Një person ka humbur jetën dhe tre të tjerë janë lënduar në një aksident në Kumanovë
Një person ka humbur jetën, ndërsa tre janë lënduar në një aksident trafiku që ka ndodhur mbrëmë në autostradën Kumanovë-Tabanoc.
“Në ora 20:30, në SPB Kumanovë është raportuar një aksident trafiku në autostradën Kumanovë-Tabanovcë, në të cilin janë përfshirë tri vetura “golf”, “polo” dhe “bmv”. Një person ka ndërruar jetë në vendin e ngjarjes, ndërsa tre persona kanë pësuar lëndime dhe janë dërguar në spitalin e Kumanovës. Vijon hetimi, informojnë nga SPB Kumanovë.
Nga Qendra e Urgjencës në Kumanovë informuan se njëri nga të lënduarit për shkak të seriozitetit të lëndimeve është dërguar në klinikat e Shkupit, ndërsa dy personat e tjerë janë mbajtur në Spitalin e Përgjithshëm të Kumanovës.
