Neuralink do tu japë njerëzve superfuqi, thotë Musk

Implanti i trurit të Neuralink ishte subjekt i shumë intrigave dhe polemikave në vitin 2019 kur u prezantua. Kjo vlen edhe për testimin e këtij implanti te kafshët. Implanti synon të ndihmojë njerëzit me paralizë të kenë një nivel të caktuar lëvizshmërie.

Personi i parë që mori një implant të tillë ishte 29-vjeçari Noland Arbo, i cili u trajnua shpejt për të përdorur një laptop duke përdorur vetëm trurin e tij. Kjo vërtetoi efektivitetin e vetë konceptit të implantit të trurit.

Neuralink njoftoi në maj të këtij viti se po kërkonin tre persona të tjerë për të implantuar. Musk tregoi se një person tjetër duhet të implantohet javën e ardhshme dhe shpreson të ketë një numër “njëshifror të lartë” të atyre që do të implantohet deri në fund të këtij viti. Kjo sugjeron që Neuralink mund të jetë duke përshpejtuar zhvillimin e saj.

Ai trajtoi edhe problemet me implantet, si dhe të ardhmen e tyre. Për Musk, instalimi i gjymtyrëve robotike, që rrjedhin nga roboti humanoid Optimus i zhvilluar nga kompania e tij Tesla, është gjithashtu i mundshëm. Ai beson se njerëzit që kanë humbur pjesët e trupit do të kenë më shumë liri dhe madje do t’u japin superfuqi kiborgëve (një organizëm i përmirësuar nga teknologjia), raporton portali amerikan i biznesit Inc.