Netanyahu: Nuk nevojiten trupa amerikane në Gaza
Kryeministri izraelit Benjamin Netanyahu tha se trupat amerikane nuk janë të nevojshme në Rripin e Gazës, transmeton Anadolu.
“Jo!”, u tha Netanyahu gazetarëve në Kongres, kur u pyet nëse ai mendon se trupat amerikane janë të nevojshme në Gaza për ta bërë planin e Presidentit Donald Trump paqësor.
Netanyahu shkoi në Kongres për të biseduar me ligjvënësit si pjesë e vizitës së tij në Washington.
Ai u takua me senatorët Lindsey Graham dhe Richard Blumenthal. Ai më pas u takua me kryetarin e Komitetit të Inteligjencës të Senatit, Tom Cotton, sipas kryeministrisë izraelite.
Trump përditësoi planin e tij për “marrjen e kontrollit” të Gazës sot dhe tha se nuk do të nevojiteshin ushtarë amerikanë. Propozimi është dënuar gjerësisht nga liderët botërorë.
