Në 24 orët e fundit, Izraeli vret të paktën 63 palestinezë në Gaza
Brenda 24 orëve të fundit, nga bombardimet izraelite në Rripin e Gazës janë vrarë 63 palestinezë, njoftojnë autoritetet e Gazës.
Sipas një deklarate të Ministrisë së Shëndetësisë në Gaza, edhe 227 persona të tjerë janë plagosur nga bombardimet izraelite gjatë ditës së fundit.
Numri i përgjithshëm i të vrarëve në Rripin e Gazës që nga 7 tetori 2023 është rritur në 66,288, ndërsa 169,165 të tjerë janë plagosur, bëri të ditur ministria.
Megjithatë, bilanci i viktimave besohet të jetë shumë më i lartë, pasi mijëra trupa mendohet të jenë ende nën rrënojat e ndërtesave të shkatërruara në të gjithë Rripin.
