Nagelsmann, pas barazimit ndaj Zvicrës: “Kemi ndërmarrë shumë rreziqe”…

Julian Nagelsmann, trajneri i Gjermanisë, ishte i kënaqur që kishte marrë të gjitha rreziqet për të rrëmbyer një barazim kundër Zvicrës (1-1), falë Niclas Füllkrug (90+2), që e lejoi atë të përfundonte në vendin e parë në Grupin A të Euros.

Në konferencën për shtyp pas ndeshjes, ai u shpreh: “Kjo pikë e rrëmbyer është e merituar. Ne rrezikuam shumë për t’u rikthyer dhe mund të kishim pësuar një gol të dytë. Por duhej bërë sepse pa të, nuk do të kishim marrë këtë rezultat të rëndësishëm barazimi (që i lejon Gjermanisë të përfundojë e para në grupin A).
Ne përfunduam me nëntë goditje ndaj katër, kështu që e meritojmë vërtet këtë rezultat. Në pjesën e parë ishim të mirë taktikisht dhe të balancuar, e merituam të hapnim rezultatin. Por hasëm një kundërshtar të madh, i cili ka vërtet shumë cilësi”.

“Niclas Füllkrug (që shënoi golin e barazimit, 90’+2) është aty kur ne kemi nevojë për të dhe ai ka argumentet për të kryer të dyja detyrat, si titullar apo zëvendësues. Është edhe fat i mirë edhe një fat i keq për të, që të jetë kaq i mirë në rolin rezervë. Ai bëri një goditje të shkëlqyer me kokë. Tani ai ka një javë për të dhënë gjithçka në stërvitje dhe do të shohim nëse do të nisë 1/16-ën”.