Murtezani takon sekretarin gjeneral të Këshillit për Bashkëpunim Rajonal, Amer Kapetanoviq

Ministri i Çështjeve Evropiane, Orhan Murtezani ka zhvilluar takim me sekretarin e përgjithshëm të Këshillit për Bashkëpunim Rajonal (RSC), Amer Kapetanoviq.

“Diskutuam për përforcimin e bashkëpunimit rajonal përmes projekteve dhe iniciativave konkrete që do të nxisin rritjen ekonomike dhe sociale në Ballkanin Perëndimor, si dhe rëndësinë e integrimit rajonal dhe Planin për Rritje të BE-së, i cili hap mundësi të reja për rajonin tonë”, ka shkruar Murtezani në njoftim, duke shtuar se vazhdojnë përpjekjet e përbashkëta për ta ndërtuar të ardhmen evropiane të rajonit!