Murtezani dhe ambasadori korean diskutojnë zgjerimin e bashkëpunimit

Ministri për Çështje Evropiane, Orhan Murtezani ka njoftuar se ka realizuar takim me ambasadorin e Republikës së Koresë, Kim Dongbae, përcjell Alfax.mk
“Diskutuam thellimin e bashkëpunimit, nga zhvillimi dhe mbështetja ekonomike, deri te digjitalizimi, shëndetësia, administrata publike dhe tranzicioni i gjelbër.
Sinqerisht jam mirënjohës për mbështetjen e vazhdueshme nga Koreja, duke përfshirë grantet që na ndihmuan të modernizojmë infrastrukturën tonë të IT-së dhe shërbimet në terren.
Vazhdojmë të ndërtojmë partneritete që sjellin rezultate reale për qytetarët”, ka shkruar Murtezani.