Mund t’iu ketë ikur ky moment – Leao ishte gati ta sulmonte Piolin, por u ndal nga bashkëlojtarët e tij
Minutat e fundit të ndeshjes Napoli – Milan nuk kanë qenë aspak të qeta sidomos në kampin mysafirë.
Stefano Pioli vendosi t’i largonte nga loja dy yjet e skuadrës, Olivier Giroud dhe Rafael Leao ku të dy nuk e pritën aspak mirë këtë moment.
Më keq zëvendësimin e priti Rafael Leao i cili ishte i acaruar me trajnerin, madje ishte gati ta sulmonte atë nëse nuk do të ndërhynin bashkëlojtarët e tjerë.
Leao u largua nga loja mbrapa portës së Napolit dhe po e fyente vazhdimisht trajnerin teksa po shkonte drejt pankinës.
Ishin bashkëlojtarët e tij Adli, Pobega dhe Alessandro Florenzi që e ndaluan dhe qetësuan portugezin për mos të bërë ndonjë gjë që do t’i kushtonte shumë.
