Muaji për ngritjen e vetëdijes për kancerin tek fëmijët shënohet në Klinikën e Fëmijëve

Klinika universitare për sëmundje të fëmijëve- Shkup në mënyrë aktive i’u bashkangjit kampanjës ndërkombëtare “Shtatori i artë” – e cila ka për qëllim ngritjen e vetëdijes gjithandej në botë për kancerin tek fëmijët.

“Për këtë fushatë përdorim ngjyrën e artë në shenjë respekti për guximin dhe kurajon e fëmijëve me kancer, të shprehim solidaritetin tonë dhe të bisedojmë bashkë me fëmijët, adoleshentët dhe familjet e tyre.  Balona të artë sot fluturuan nga duart e fëmijëve, mjekëve dhe infermiereve nga reparti i Hematologjisë dhe Onkologjisë pedijatrike të Klinikës për sëmundje të fëmijëve, për nder të shtatorit të artë- muajit të vetëdijësimit për kancerin tek fëmijët!”, shkruajnë nga Klinika.