Mirlind Daku ndryshon skuadër, Rubin Kazan përfiton shumën e majme
Mirlind Daku do të jetë lojtari më i ri i Zenit Shën Petersburg. Klubet janë drejt marrëveshjes përfundimtare, ndërsa sulmuesi i Kombëtares shqiptare do të transferohet nga Rubin Kazan.
“GazetaBlic” ka zbuluar detajet e kësaj lëvizje. Kështu Rubin Kazan do të përfitojë 4.5 milionë euro, ndërsa testet mjekësore priten të dielën.
27-vjeçari kishte edhe një vit të mbetur kontratë me Rubin Kazan. Rinovimi kishte munguar, ndërsa më parë ka pasur interes për të edhe jashtë Rusisë.
Daku po tregon potencialin e tij në kampionatin rus prej vitit 2023. Prej atëherë fitoi edhe ftesën nga Kombëtarja kuqezi.
