Mickoski: Licenca është e falsifikuar, do të ketë përgjegjësi me emër dhe mbiemër
Kryeministri Hristijan Mickoski ka bërë të ditur se ekziston dyshimi se kompania për diskotekën “Puls” ka pasur dy licenca, kurse njëra ka qenë e falsifikuar dhe në bazë të saj ka vazhduar të veprojë si diskotekë, transmeton TV21.
Në konferencën për media, Mickoski premtoi se do të ketë përgjegjësi me emër dhe mbiemër.
“Kam dyshime se kompania ka licencë të falsifikuar për mito, nga udhëheqësia e kaluar e Ministrisë së Ekonomisë”, tha Mickoski.
Ai shtoi:
“Duhet të ketë përgjegjësi me emër dhe mbiemër”.
Më tej, i pyetur në mënyrë shtesë, ai gishtin e drejton te ish sekretari shtetëror i Ministrisë së Ekonomisë.
