Mediat nordike të gatshme të dërgojnë gazetarë në Gaza nëse “krijohet mundësia”

Disa media nga Suedia dhe Norvegjia kanë shprehur gatishmërinë për të dërguar gazetarët e tyre në Gaza nëse “krijohet mundësia”, raportuan mediat lokale të martën.

Redaktorë dhe drejtues nga mediat suedeze Sveriges Radio (SR), Expressen, Svenska Dagbladet (SvD), Aftonbladet, SVT, si dhe nga media norvegjeze Verdens Gang (VG), i thanë transmetuesit SVT se janë të gatshëm të dërgojnë gazetarë në Gaza nëse kjo bëhet e mundur.

“Ne duam të dokumentojmë pasojat e akteve të luftës, urinë dhe situatën e civilëve të prekur nga lufta,” shkroi në një email Eva-Therese Grottum, drejtore e departamentit të lajmeve në VG. /TRT Global/