Maturantët po i nënshtrohen provimit të dytë ekstern të maturës shtetërore
Për mbi 180 mijë nxënës të arsimit fillor dhe rreth 67 mijë nxënës të shkollave të mesme, ka filluar pushimi veror. Maturantët, të cilët ndoqën mësimin deri më 16 maj, sot po i nënshtrohen provimit të dytë ekstern, i cili është lëndë me zgjedhje. Nxënësit më së shpeshti zgjedhin gjuhën angleze. Më 2 qershor ata dhanë provimin në gjuhën amtare.
Sërish janë shënuar përpjekje për kopjim, por ndryshe nga viti i kaluar, numri i nxënësve që janë ndëshkuar është më i vogël, thonë nga Qendra Shtetërore e Provimeve.
