Macron, në një telefonatë me Vuçiqin, thekson rëndësinë e dialogut Kosovë-Serbi
Presidenti francez, Emmanuel Macron, ka zhvilluar bisedë telefonike me homologun serb Aleksandar Vuçiq, gjatë së cilës ka theksuar rëndësinë e dialogut midis Kosovës dhe Serbisë, transmeton Anadolu.
Në një njoftim në X, Macron tha se gjatë bisedës dënoi çdo veprim të njëanshëm që mund ta rrezikojë dialogun Prishtinë-Beograd.
“Me vendet e Ballkanit Perëndimor, Evropa do të realizohet dhe do të pranojë fatin e saj – në unitet, solidaritet dhe përgjegjësi”, ka thënë Macron.
Ai ka përsëritur bindjen e tij se e ardhmja evropiane është rruga e duhur për Serbinë. Ai ka shprehur shpresën që Beogradi të avancojë në këtë rrugë përmes reformave dhe procesit të anëtarësimit, “në frymën e dialogut”.
Macron bëri të ditur kanë shqyrtuar të gjitha aspektet e marrëdhënieve mes Serbisë dhe Francës dhe kanë vendosur të forcojnë më tej bashkëpunimin.
Ai shtoi se biseda ka përfshirë një diskutim të detajuar për situatën në rajon, duke nënvizuar rëndësinë që Franca i kushton stabilitetit, unitetit dhe sovranitetit të Bosnjë e Hercegovinë.
– Vuçiq: Serbia mbetet e përkushtuar ndaj të gjitha proceseve që synojnë ruajtjen e paqes
Ndërkaq, në njoftimin e presidentit serb në X pas telefonatës, biseda është cilësuar si “miqësore dhe e hapur”, në të cilën fokusi ka qenë në marrëdhëniet dypalëshe dhe çështjet rajonale, “veçanërisht në dritën e zhvillimeve të fundit në Bosnjë e Hercegovinë dhe në Kosovë”.
Vuçiç ka thënë se Serbia mbetet e përkushtuar ndaj të gjitha proceseve që synojnë ruajtjen e paqes, bashkëpunimit dhe mirëqenies, duke përsëritur se zhvillimi i vendit, mirëqenia dhe mbrojtja e popullit serb janë interesat kryesore kombëtare.
Kreu i shtetit serb e falënderuar homologun francez për angazhimin personal në “çështjet që lidhen me Ballkanin Perëndimor dhe për mbështetjen e vazhdueshme që Franca i jep Serbisë në rrugën e saj drejt Bashkimit Evropian”.
