Lirohet nga paraburgimi shoferi i “vrasësit të Vanjës”
I është hequr paraburgimi Stefan Dimovskit, i cili dyshohet se ka ndihmuar në arratisjen e Ljupço Palevski-Pallços, i dyshuar për vrasjen e Vanjës 14 vjeçare, raporton Alfax.
Vendimin për lirimin e tij nga paraburgimi në Shutkë e ka marrë gjyqtari i procedurës paraprake nga Gjykata Themelore Penale – Shkup.
“Pas propozimit të kryeprokurorit për heqjen e masës së paraburgimit për S.D dhe caktimin e masave të sigurimit, gjyqtari në procedurë paraprake për të ka caktuar masa si ndalim largimi nga vendbanimi, konfiskim të dokumentit të udhëtimit, detyrim paraqitje në gjykatë dhe konfiskim, pra ndalim i përdorimit të patentë shoferit”, njofton Gjykata Penale.
Jozyrtarisht, propozimi për heqjen e masës së paraburgimit është i prokurorisë, pasi për veprën penale të ndihmës në kryerjen e veprës penale, ligji nuk lejon zgjatjen e masës për më shumë se tre muaj.Alfax.
