Levi: Trump i mbolli farat dhe Izraeli e shfrytëzoi mundësinë
Gideon Levy, një kolumnist i gazetës izraelite Haaretz, thotë se “deklarata e pabesueshme e presidentit Trump, duke i kërcënuar palestinezët me ‘ferr’”, po e bën situatën “shumë të rrezikshme”.
Duke folur për Al Jazeera, Levy tha se Izraeli i përdori “menjëherë” komentet e Trump-it për objektivat e tij në Gaza.
“Kjo është shumë shpërthyese”, tha ai, duke paralajmëruar se pasojat këtë herë mund të jenë “edhe më të tmerrshme sesa në 15 muajt e parë” të luftës.
“Kështu që Trump i mbolli farat dhe Izraeli e shfrytëzoi mundësinë, sepse Izraeli nuk është i interesuar të ndalë luftën – dhe tani po përballemi me një moment shumë delikat,” shtoi Levy.
“Nëse lufta rinis me mbështetjen e Donald Trump-it, madje do të thosha me shtytjen e tij, kjo do të thotë se Izraeli këtë herë nuk do të ketë asnjë kufizim,” tha ai gjithashtu, duke theksuar se presidenti amerikan tani është bërë “busulla shpirtërore dhe morale e Izraelit”.
