Kuvendi konstatoi dorëheqjen e Kovaçevskit dhe Xhaferit
Deputetët në seancën e sotme të Kuvendit konfirmuan dorëheqjet e kryeministrit Dimitar Kovacevski dhe kryetarit të Kuvendit, Talat Xhaferi.
Kovaçevski dhe Xhaferi, siç theksoi nënkryetari i Kuvendit, Goran Misovski, deklaruan se nuk do të elaborojnë dorëheqjet e tyre.
Konstatimi i dorëheqjeve të Kovaçevskit dhe Xhaferit u duartrokit nga shumica e deputetëve.
Në vazhdim të seancës, deputeti i LSDM-së, Martin Kostovski, elaboroi propozimin që Jovan Mitreski, koordinator aktual i grupit parlamentar të LSDM-së, të zgjidhet kryetar i ri i Kuvendit.
Në bazë të Rregullores së punës, kryetar i Kuvendit zgjidhet kandidati që ka marrë shumicën e votave nga numri i përgjithshëm i deputetëve. Pas zgjedhjeve dhe betimit solemn, Xhaferi pritet t’ia dorëzojë postin Mitreskit.
