Kundërpërgjigja iraniane: Shpërthime nga Tel Avivi në Gjirin Persik
Gati një orë pasi nisën sulmet, Irani lëshoi sulme hakmarrëse me raketa.
Shpërthime u dëgjuan në mbarë Izraelin, përfshirë në Tel Aviv, Jerusalem dhe Haifa, ndërsa sistemet e mbrojtjes ajrore reaguan ndaj predhave në hyrje.
Irani shënjestroi gjithashtu baza ushtarake amerikane në rajon, me sulme të raportuara në Riyadh, Abu Dhabi, Dubai, Manama, Doha dhe Kuwait City. Shpërthime u dëgjuan edhe në kryeqytetin jordanez, Amman.
Kompani të mëdha të naftës pezulluan dërgesat përmes Ngushticés së Hormuzit, pasi sulmet SHBA–Izrael ndaj Iranit nxitën kundërpërgjigje rajonale, me tregtarët që paralajmëruan se anijet e tyre do të “qëndrojnë në vend”. Ky veprim kërcënon një nyje strategjike përmes së cilës kalon një e pesta e naftës globale dhe një e treta e furnizimit botëror me gaz natyror të lëngshëm (LNG).
