Kryqi i Kuq konfirmon, 27 të vrarë në Gaza pas të shtënave ndaj palestinezëve që kërkonin ndihmë

Komiteti Ndërkombëtar i Kryqit të Kuq njoftoi se spitali i tij fushor në qytetin Rafah të Gazës regjistroi 27 viktima, duke përputhur numrin me atë të dhënë nga ekipet e shpëtimit pasi forcat izraelite hapën zjarr pranë një qendre ndihmash.

“Herët në mëngjes, Spitali Fushor i Kryqit të Kuq me 60 shtretër në Rafah pranoi një numër masiv të plagosurish – gjithsej 184 pacientë. Në mesin e tyre janë 19 persona të shpallur të vdekur në momentin e mbërritjes dhe tetë të tjerë që humbën jetën për shkak të plagëve pak më vonë,” tha ICRC, duke shtuar se të mbijetuarit deklaruan se kishin qenë “duke u përpjekur të arrinin një pikë shpërndarjeje ndihmash.”