Kryeparlamentari Gashi takohet me kryetarin e Komisionit për Mbrojtje të Mbretërisë së Bashkuar, Tan Desi
Kryetari i Kuvendit, Afrim Gashi ka njoftuar se ka zhvilluar një takim me kryetarin e Komisionit për Mbrojtje të Mbretërisë së Bashkuar, z. Tan Desi, gjatë vizitës zyrtare në Londër.
“U përqendruam në rëndësinë e forcimit të marrëdhënieve në fushën e mbrojtjes dhe bashkëpunimit brenda aleancës së NATO-s. Theksuam kontributin e rëndësishëm të Maqedonisë së Veriut dhe mbështetjen e vazhdueshme të Mbretërisë së Bashkuar në këtë fushë. Gjithashtu, shprehëm angazhimin tonë për të forcuar bashkëpunimin strategjik, për të zhvilluar kapacitete, për të avancuar reformat dhe për të thelluar marrëdhëniet tona”, ka njoftuar kryeparlamentari Gashi.
