Kryeministrja e Danimarkës thotë se nuk është koha e përshtatshme për të njohur shtetin palestinez
Frederiksen tha se, ndonëse “sjellja e vazhdueshme dhe shumë e dhunshme e Izraelit në Gaza është e papranueshme” dhe duhet të ndalet, ajo nuk beson se momenti aktual është i përshtatshëm për të mbështetur një shtet palestinez.
Në një postim në rrjetet sociale, kryeministrja tha se, ndonëse Danimarka mbështet idenë e një shteti palestinez dhe zgjidhjen me dy shtete, “ne kemi detyrimin të sigurohemi që njohja e Palestinës të promovojë atë që është e drejtë”.
“Kjo duhet të ndodhë në një moment kur vërtet i shërben zgjidhjes me dy shtete,” tha Frederiksen. Kjo do të nënkuptonte “një shtet të qëndrueshëm dhe demokratik në Palestinë, pa ndikimin e Hamasit”, shtoi ajo, duke theksuar se ky grup “nuk e njeh të drejtën e Izraelit për të ekzistuar”.
