Kroaci, një sulmues në një shkollë në Zagreb plagos me thikë mësuesen dhe disa nxënës
Një sulmues i panjohur ka plagosur me thikë një mësuese dhe disa nxënës në shkollën fillore “Preçko” në kryeqytetin kroat Zagreb mëngjesin e sotëm, transmeton Anadolu.
Siç raportojnë mediat lokale, fëmijët janë nxjerrë nga shkolla menjëherë pas incidentit ndërsa në vendngjarje ndodhen ekipet e policisë dhe emergjencave.
Policia konfirmoi se kishte një lajmërim, por Zyra e marrëdhënieve me publikun është në pritje të informacioneve nga terreni, raportojnë mediat kroate.
