“Kjo patjetër të ndalet”, thotë UNRWA teksa fëmijët vdesin nga i ftohti në Gaza

Autoritetet shëndetësore në Gaza bëjnë të ditur se të paktën dy foshnja kanë humbur jetën si pasojë e ekspozimit ndaj të ftohtit.

Siç kemi raportuar, mes viktimave është edhe Mohammed Khalil Abu al-Khair, vetëm dy javësh, vdekja e të cilit u njoftua sot.

Zyrtarët thonë se kufizimet izraelite ndaj dërgesave të ndihmave e kanë bërë të pamundur përgatitjen për reshjet dhe të ftohtin e dimrit.

“Raportohet se njerëz kanë vdekur nga shembja e ndërtesave të dëmtuara ku familjet po strehoheshin. Raportohet se fëmijë kanë vdekur nga ekspozimi ndaj të ftohtit,” thuhet në deklaratën më të fundit të UNRWA-së.

“Kjo duhet të ndalet,” shton ajo. “Ndihma duhet të lejohet të hyjë në shkallë të gjerë, menjëherë.” /Al Jazeera/