Këshilltari i Sigurisë Kombëtare i Trump-it, Mike Waltz: GJNP-ja nuk ka kredibilitet, vendimi për Netanyahun antisemitik
Këshilltari i Sigurisë Kombëtare i presidentit të zgjedhur amerikan Donald Trump, Mike Waltz, e ka kritikuar vendimin e GJNP-së për fletarrestin ndërkombëtar për kryeministrin izraelit Benjamin Netanyahu dhe ish ministrin e Mbrojtjes, Yoav Gallant.
“GJNP-ja nuk ka kredibilitet dhe këto akuza janë hedhur poshtë nga qeveria amerikane. Izraeli ka mbrojtur me ligj popullin dhe kufijtë e tij nga terroristët gjenocidalë. Ju mund të prisni një përgjigje të fortë ndaj paragjykimeve antisemitike të GJNP-së dhe OKB-së në janar”, ka shkruar Waltz në X.
