Këngëtari i famshëm kapet me mbi 42 kg perime dhe mish në aeroport
Këngëtari i mirënjohur spanjoll, Hulio Iglesias (o. Julio Iglesias) për pak ka rënë nën prangat e policisë dominikiane për shkak të shkeljes së rregullave të importit.
Mbreti i muzikës i muzikës latine, u ndalua në datën 10 janar nga autoritetet e aeroportit ndërkombëtar të “Punta Canas” pasi në bagazhet e tij u zbulua një sasi prej 42.16 kilogramësh ushqime, mes të cilave sasi të konsiderueshme luleshtrydhesh, manaferrash, boronicash, qershish, domate, spinaqi, sallate, fasulesh, kërpudhash dhe mishi të cilat u përpoq t’i fuste në territorin e republikës domenikane.
Ndërkohë që një gjë e tillë, sipas ligjeve të atij vendi, cilësohet si vënie në rrezik e prodhimit kombëtar. Frutat dhe perimet, artisti i kishte marrë në Bahamas ku kalon një pjesë të mirë të vitit.
Mediat e huaja raportojnë se kjo nuk është hera e parë që Iglesias tentoi të fuste fruta dhe perime nga vende të tjera në republikën Dominikiane, ndërkohë që sasia që iu gjet javën e shkuar iu sekuestrua nga autoritetet e atij vendi.
