Kasami bashkë me Gashin: Tetova është e bashkuar për fitoren më 2 nëntor
Kryetari i Tetovës, Bilall Kasami, ka falënderuar sonte banorët dhe aktivistët e Çarshisë së Epërme për përkrahjen dhe angazhimin e tyre në fushatën zgjedhore. Ai theksoi se takimin e ka zhvilluar së bashku me kryetarin e Kuvendit, Afrim Gashi, duke theksuar frymën e bashkimit dhe entuziazmit në qytet.
“Kudo ndjehet fryma e fitores dhe besimi i qytetarëve në rrugën që kemi nisur bashkë, për Tetovën e punës, pastërtisë dhe zhvillimit,” shkroi Kasami.
Ai shtoi se energjia dhe përkushtimi i aktivistëve janë dëshmi e qartë se Tetova është e bashkuar për fitoren më 2 nëntor, duke falënderuar çdo qytetar që po kontribuon në këtë betejë të përbashkët.
