Kallëzime penale për dy ish-drejtorë të Fondit të Inovacionit, Halili dhe Petrov
Kallëzime penale janë ngritur kundër dy ish-drejtorëve të Fondit për Inovacion dhe Zhvillim Teknologjik, Festim Halili dhe Kosta Petrov, njoftoi “MKD.mk”.
Në rastin e parë, bëhet fjalë për projektin “Green Hojo”, i bashkëfinancuar nga Fondi, i cili duhej të mblidhte të dhëna përmes pajisjeve IoT për të përdorur zgjidhjen inteligjente të shtëpisë për ta bërë zyrën/shtëpinë/apartamentin më efikas të energjisë.
Sipas portalit MKD, ekziston dyshimi i bazuar se Fondi është dëmtuar për 4.000.000 denarë, për shkak se është bërë “keqpërdorim të pozitës zyrtare” nga ish-drejtori Halili, transmeton INA.
Ndonëse përdoruesi nuk ka respektuar detyrimet e kontratës dhe rregullat, drejtori Halili nuk e ka shkëputur kontratën dhe pagesat janë kryer në faza. Për kompaninë “Hojo Tek” dhe personin përgjegjës Dashmir Istrefi, dyshohet se kanë kryer veprën penale “mashtrim”.
Auditimi i punës së FITR-it ka rezultuar me një tjetër kallëzim penal, edhe atë ndaj ish-drejtorit të Fondit Kosta Petrov. Në këtë rast bëhet fjalë për projektin e “Frotirkës” nga Dellçeva i financuar nga FITR, i cili nuk është përfunduar, por është paguar dhe Petrov gjoja nuk ka reaguar në përputhje me rrethanat.
Drejtuesit janë paralajmëruar nga kompania e auditimit “Grant Thornton” se “Frotirka” nuk vepron në përputhje me kushtet kontraktuale, pra nuk ka dorëzuar raporte në FITR. Auditorët më vonë vizituan fabrikën Delçev dhe zbuluan se drejtori ekzekutiv po e shtynte vizitën. Më pas është konstatuar se “Frotirka” është dashur të blejë gjashtë makina të reja dhe në momentin e vizitës në terren është blerë vetëm një, përcjell “MKD.mk”.
