Izraeli vazhdon përpjekjet për të penguar që gazetarët palestinezë t’i raportojnë botës masakrën në Gaza
Gazetari palestinez Mutasem Dalul, i cili ka raportuar për masakrat e Izraelit në Rripin e Gazës për opinionin ndërkombëtar, tha se ushtria izraelite po ushtron presion mbi mediat ndërkombëtare që të mos e mirëpresin atë, transmeton Anadolu.
Në një deklaratë në llogarinë e tij X me bazë në SHBA, Dalul tha se ushtria izraelite, e cila ka vrarë gruan e tij, tre fëmijët, vëllain, motrën, 43 nipër dhe më shumë se 200 të afërm, po zhvillon fushatë shpifjeje kundër tij.
Gazetari Dalul deklaroi se Izraeli po u bën presion mediave ndërkombëtare veçanërisht CNN dhe BBC, që të mos e paraqesin atë në televizion për të shmangur raportimin mbi masakrat e përjetuara në Gaza.
Më tej ai shpjegon se vitin e kaluar më 10 gusht pasi ai informoi opinionin ndërkombëtar përmes BBC World se Izraeli kishte vrarë mbi 100 palestinezë në Xhaminë Tabain në qytetin e Gazës, një punonjës i kanalit i dërgoi një mesazh duke shpjeguar se Izraeli po i bënte presion BBC World.
Gazetari palestinez tha se Izraeli po zhvillon fushatë njollosjeje kundër tij duke përdorur pretendimin se ai mohon Holokaustit. Ai vuri në dukje se paraqitja e tij në programin e gazetarit britanik Peirs Morgan u anulua dy herë.
Duke ndarë një pamje të ekranit (screenshot) të një deklarate nga zëdhënësi i ushtrisë izraelite, Nadav Shoshani, i cili tha se “Dalul e paraqet veten si gazetar dhe njerëz në mbarë botën, përfshirë gazetarët, po e shpërndajnë informacionin që ai ndan si të vërtetë”, Dalul tërhoqi vëmendjen se zëdhënësi i ushtrisë Izraelite po e shënjestron atë.
Izraeli, i cili është gjykuar për gjenocid në gjykatat ndërkombëtare për sulmet e tij dyvjeçare në Gaza, ka mohuar aksesin e mediave ndërkombëtare në Gaza në dy vitet e fundit. Ushtria izraelite akuzohet se i ka shënjestruar në mënyrë të drejtpërdrejt përfaqësuesit e mediave palestineze që ka vrarë në Gaza.
Bllokimi i aksesit të mediave ndërkombëtare në Gaza nga Izraeli si dhe shënjestrimi i drejtpërdrejtë i anëtarëve të mediave në Gaza, konsiderohen nga ekspertët si “një përpjekje për të mbuluar të vërtetën”.
Izraeli akuzohet për vrasjen e më shumë se 250 gazetarëve palestinezë, shumë prej të cilëve i kanë shënjestruar drejtpërdrejt në krye të detyrës, në sulmin e tij dyvjeçar në Gaza.
