Izraeli preferon diplomacinë me Hezbollahun, i tha Gallant – Blinken-it
Ministri izraelit i Mbrojtjes, Yoav Gallant i ka thënë Sekretarit amerikan të Shtetit, Antony Blinken se Izraeli do të preferonte një zgjidhje diplomatike ndaj konfliktit me grupin libanez të mbështetur nga Irani Hezbollah, tha zëdhënësi i Departamentit të Shtetit, Matthew Miller.
“Ne mendojmë se një zgjidhje diplomatike është e mundur. Ne mendojmë se është në interes të të gjitha palëve,” tha Miller.
Granatimet në kufirin verior të Izraelit kanë çuar në evakuimin e dhjetëra mijëra njerëzve nga zonat në të dy anët e kufirit dhe janë përshkallëzuar javët e fundit, duke çuar në frikën e një konflikti të gjithanshëm. /trtworld/
