Ibrahimi: Me 19 tetor në Kumanovë të mbështetet Skender Osmani, Arben Etemi dhe lista e VLEN-it!

Kryetari i Alternativës dhe njëri prej liderëve të VLEN-it, Zeqirija Ibrahimi, sonte ka marr pjesë në tubimin qëndror të Koalicionit VLEN në Kumanovë, për zgjedhjet lokale të 19 tetorit.

Ibrahimi ka apeluar që jo vetëm shqiptarët, por edhe të tjerët ta mbështesin kandidatin për kryetar komune të Kumanovës, Arben Etemi. Po ashtu, ka apeluar që të përkrahet edhe Skender Osmani dhe Lista e Koalicionit VLEN.

“Unë ju lus që me 19 tetor të gjithë shqiptarët e Kumanovës, por jo vetëm shqiptarët ta mbështesin Arben Etemin për kryetar të Komunës së Kumanovës. Dhe i dyti që poashtu është një emër shqiptari është Skender Osmani. Dhe zoti Skender është ai që vjen pos me pjesën e kapitalit të pushtetit qëndror edhe lokal, ai e ka edhe një kapital personal. Ai është arkitekti i cili e bëri projektin e gjimnazit të Kumanovës falas, kurse ai është një projekt që kushtonte mbi 200.000 euro.
Andaj, në Kumanovë është e rëndësishme të mbështetet Skender Osmani si falënderim për atë punë që ai e ka bërë deri tash. Kurse në të vërtetë ai është i pari i një liste që shkon te poshtë me emra që poashtu janë aq të aftë, aq të zotë, aq të virtytshëm si ai.
Kështuqë nuk gaboni hiç, poqese e rrethoni numrin 7 edhe në listën e këshilltarëve të Komunës së Kumanovës”, deklaroi Ibrahimi.