Ibrahimi: Fryma e ndryshimit në Dollnen po ndihet fuqishëm
Pas vizitës në Debresht, një nga liderët e koalicionit VLEN, Zeqirija Ibrahimi, bashkë me deputetin Bekim Sali dhe anëtarët e shtabit qendror Amir Elezi e Granit Osmani, kanë takuar banorët e fshatit Cernilishtë në Komunën e Dollnenit.
Ibrahimi theksoi se në çdo vendbanim të Dollnenit po ndihet fuqishëm fryma e ndryshimit, e cila, sipas tij, “është shumë afër”. Ai u bëri thirrje qytetarëve që më 2 nëntor ta përkrahin kandidatin e VLEN-it, Blerim Islamin, duke e rrethuar numrin 7 në fletëvotim, për t’i dhënë zë “ndryshimit të madh në Dollnen”.
