I dërguari amerikan: Bisedimet e armëpushimit në Ukrainë do të vazhdojnë të dielën në Xhide
Bisedimet për një armëpushim në luftën midis Rusisë dhe Ukrainës do të vazhdojnë të dielën në qytetin e Arabisë Saudite, Xhide, ka njoftuar i dërguari special i presidentit amerikan Donald Trump, Steve Witkoff, transmeton Anadolu.
“Kemi një ekip që shkon në Arabinë Saudite, të udhëhequr nga këshilltari ynë për sigurinë kombëtare (Mike Waltz) dhe Sekretari ynë i Shtetit (Marco Rubio)”, tha Witkoff për FOX News gjatë një interviste të martën.
Njoftimi erdhi disa orë pas një telefonate midis Trumpit dhe homologut të tij rus Vladimir Putin të martën, gjatë së cilës ata diskutuan normalizimin e lidhjeve dypalëshe, perspektivat për zgjidhjen e konfliktit të Ukrainës dhe situatën në Lindjen e Mesme.
Trump tha pas thirrjes se ata ranë dakord për një armëpushim “të menjëhershëm” që do të ndalonte përkohësisht sulmet në infrastrukturën energjetike.
“Dua të përgëzoj presidentin Putin për gjithçka që bëri sot në atë thirrje për ta çuar vendin e tij pranë një marrëveshjeje përfundimtare të paqes”, tha Witkoff.
