HRW: Sanksionet ndaj GJNP-së e vendosin SHBA-në ‘në anën e kriminelëve të luftës’

Sanksionet e qeverisë amerikane kundër Gjykatës Ndërkombëtare Penale do të minojnë përgjegjësinë ndërkombëtare për krimet më të rënda dhe do t’i privojnë viktimat në mbarë botën nga drejtësia, ka deklaruar Human Rights Watch.

Grupi shtoi se një urdhër ekzekutiv i lëshuar nga Trump të enjten, i cili autorizon ngrirjen e pasurive dhe ndalimin e hyrjes për zyrtarët e GJNP-së dhe të tjerët që mbështesin punën e saj, e bën të qartë se administrata Trump “synon të mbrojë zyrtarët amerikanë dhe izraelitë nga përballja me akuza për krime lufte dhe krime kundër njerëzimit”.

“Urdhri ekzekutiv i Trumpit për Gjykatën Ndërkombëtare Penale në fakt e vendos Shtetet e Bashkuara në anën e kriminelëve të luftës, në dëm të viktimave të krimeve të rënda që kërkojnë drejtësi,” tha në një deklaratë Liz Evenson, drejtoresha për drejtësinë ndërkombëtare e këtij grupi.

“Vendet anëtare të GJNP-së duhet ta mbështesin publikisht dhe me forcë gjykatën për ta kryer punën për të cilën është krijuar: të sigurojë që askush të mos jetë mbi ligjin.”