Historike: Shqipëria kualifikohet në EURO 2024
Kombëtarja e Shqipërisë ka siguruar kualifikimin historik në Kampionatin Evropian EURO 2024 në Gjermani. Ka mjaftuar barazimi si mysafir ndaj Moldavisë që kuqezinjtë të sigurojnë zyrtarisht pjesëmarrjen e dytë në një kompeticion të madh futbolli.
Shqipëria luajti një pjesë të parë shumë të mirë duke avancuar nga penaltia në minutën e 25-të. Moldavia barazoi pak para fundit, në minutën e 87-të, por nuk arriti të bëjë kthesën në minutat e mbetura.
Shqipëria kështu mbetet në krye të tabelës në grupin E me 14 pikë, ndërsa në ndeshjen e fundit ndaj Ishujve Faroe në Tiranë më 20 nëntor do ta festojë suksesin historik bashkë me tifozët kuqezi.
