Greqi, në Akropolin historik vendosen pankarta në mbështetje të Palestinës
Në mbështetje për Palestinën, dy pankarta gjigante u vendosën në Akropolin historik në Athinë, kryeqytetin e Greqisë, transmeton Anadolu.
Anëtarët e Partisë Komuniste të Greqisë (KKE) u ngjitën në Akropolin historik për të protestuar kundër sulmeve të Izraelit ndaj Palestinës dhe varën dy pankarta gjigante në tempull.
Mbi pankartat gjigante shkruhej në anglisht dhe greqisht “Ndaloni gjenocidin. Asnjë bashkëpunim me shtetin vrasës të Izraelit. Liri për Palestinën”.
