Gjorgjievski mori drejtimin e Shkupit, fillon aksioni i madh për pastrimin e qytetit
Kryetari i ri i Shkupit, Orce Gjorgjievski, sot mori mandatin zyrtar dhe njoftoi se që sonte fillon aksioni i madh për pastrimin e qytetit, ashtu siç kishte premtuar gjatë fushatës parazgjedhore. Ai shprehu mirënjohje për çdo mbështetje dhe për çdo qytetar të Shkupit, që tek ai ka parë sinqeritet, përkushtim dhe vepra pas fjalëve.
“Ajo që e premtova gjatë fushatës para bashkëqytetarëve të mi, mbetet e vlefshme – aktiviteti i parë do të nisë pikërisht sot. Rreth orës 20:00, pranë sallës “Boris Trajkovski”, ekipet do të jenë gati për të filluar pastrimin e qytetit, që brenda 72 orësh ta pastrojmë Shkupin. Ndërsa që nga nesër, fillojmë me një riorganizim të plotë të ndërmarrjeve publike dhe normalizimin e gjendjes në to, që qyteti më në fund të funksionojë ashtu siç e meritojnë shkupjanët.”, – deklaroi kryetari i Shkupit, Orce Gjorgjievski.
