GJNP lëshon urdhër-arresti për ish-ministrin rus të mbrojtjes dhe gjeneralin e lartë
Gjykata Ndërkombëtare Penale lëshoi urdhër-arresti për Sergei Shoigu, ish-ministrin rus të mbrojtjes dhe gjeneralin kryesor rus Valery Gerasimov për krime të dyshuara të kryera gjatë pushtimit rus të Ukrainës.
Në një deklaratë për shtyp, gjykata tha se gjyqtarët kishin gjetur se kishte “baza të arsyeshme për të besuar se dy të dyshuarit mbajnë përgjegjësi për sulmet me raketa të kryera nga forcat e armatosura ruse kundër infrastrukturës elektrike të Ukrainës nga të paktën 10 tetor 2022 deri të paktën më 9 mars 2023”.
Zyrtarët rusë dyshoheshin se kishin kryer krime lufte dhe krime kundër njerëzimit për drejtimin e sulmeve kundër civilëve dhe objekteve civile në Ukrainë.
Rusia, e cila si Ukraina nuk është anëtare e GJNP, ka thënë vazhdimisht se infrastruktura energjetike e Ukrainës është një objektiv legjitim ushtarak dhe mohon të ketë shënjestruar civilët ose infrastrukturën civile.
