Gaza, zbulohen trupa civilësh të ekzekutuar nga ushtria izraelite

Video dhe imazhe ekskluzive të siguruara nga Al Jazeera këtë mëngjes tregojnë trupa të grumbulluar brenda shkollës Shadia Abu Ghazala në zonën al-Faluja, në perëndim të kampit të refugjatëve Jabalia në Rripin verior të Gazës.

Dëshmitarët thanë se një numër njerëzish, duke përfshirë gra, fëmijë dhe foshnja, u vranë me ekzekutim nga forcat izraelite ndërsa ishin strehuar brenda shkollës.

“Ushtarët izraelitë hynë dhe hapën zjarr mbi ta”, tha një grua në vendngjarje. “Ata i morën të gjithë burrat, pastaj hynë në klasa dhe hapën zjarr ndaj një gruaje dhe të gjithë fëmijëve me të.”

Gruaja tha se mes tyre kishte edhe fëmijë të porsalindur.

“Ushtarët izraelitë i ekzekutuan ato familje të pafajshme”, shtoi ajo.