Gashi: Kriminelët nuk janë ndëshkuar, prandaj qytetarët ikin nga vendi

Ndoshta gjëja kryesore që qytetarët presin është përgjegjësia, sepse në 34 vitet e fundit është diçka që ne kemi dështuar më së shumti. Si shtet duhet t’i japim fund papërgjegjshmërisë, thotë kryetari i Kuvendit Afrim Gashi në një intervistë për MIA-n.

“Për këto 34 vite, nëse dështojmë më shumë në diçka, është përgjegjësia. Pra, askush deri më tani nuk ka qenë përgjegjës se si ka ndryshuar qeveria, strukturat e kaluara nuk kanë dhënë përgjegjësi, nuk ka pasur procedura, procese që do të zgjidheshin objektivisht përmes organeve të drejtësisë. Ai që ka kryer një krim, pavarësisht nga përkatësia partiake, politike, etnike, duhet të përgjigjet për shkeljen e ligjit dhe mendoj se ndoshta diçka që ne si shtet duhet ta bëjmë sa më shpejt së bashku me drejtësinë, natyrisht, ne duhet të japim argumente dhe fakte nëse diku është bërë diçka dhe të zbatohet nga organet e drejtësisë. Ne duhet t’i japim fund papërgjegjshmërisë. Kjo duhet të marrë fund”, tha Gashi.

Sipas tij, për këtë arsye qytetarët më së shumti largohen nga vendi.

“Ata shohin që kujtdo që i kujtoheyt, shkel ligjin, korruptohet, kriminalizohet dhe pastaj vazhdon të jetojë në këtë vend sikur të mos kishte ndodhur asgjë. Duhet të ndalet sepse kemi shumë qytetarë që janë qytetarë të denjë, qytetarë të ndershëm, punojnë me ndershmëri, nuk kanë shkelur kurrë ligjin, ndrsa disa të tjerë që pasurohen mbi kurrizin e tyre, janë të kriminalizuar, të korruptuar dhe asnjëherë nuk kanë mbajtur përgjegjësi. Nëse nuk e sjellim këtë drejtësi, besoni se çdo gjë tjetër do të jetë e kotë”, thekson kryetari i Kuvendit.

Lidhur me sulmet e vazhdueshme nga rivali i tyre politik, BDI-ja opozitare thotë se nuk duhet të kemi iluzione se partitë që janë në opozitë do të pushojnë së foluri apo nuk do ta kritikojnë qeverinë.

“Kështu do të ndodhë gjithmonë. Qytetarët janë ata që në fund do të vlerësojnë atë që po bën qeveria dhe çfarë po bën opozita dhe nëse kritikat janë të justifikuara. Mendoj se kemi një edukim të lartë politik të qytetarëve. Pra, qytetarët tanë janë shumë të politizuar, mbase shumë, ndoshta më shumë se ç’duhet dhe prandaj çfarëdo që të thoni si qeveri, si opozitë, si deputet, çdo kritikë nëse mban ujë apo jo, qytetarët e vlerësojnë atë”, tha Gashi.

Sipas mënyrës se si ai e sheh politikën, qeveria nuk duhet të humbasë shumë kohë për opozitën.

“Në momentin kur merr besimin e qytetarëve për të udhëhequr vendin, je i detyruar t’i shohësh të gjithë qytetarët njësoj, t’u shërbesh të gjithë qytetarëve njësoj dhe të zbatosh programin për të cilin keni kërkuar vota. Ju duhet të merreni me zbatimin e programit ndërsa ata merren me ju. Nuk duhet të merremi me opozitën. Duhet të merremi me punën tonë, të sjellim ligje cilësore, t’u sjellim investime të huaja, të rrisim pagat, pensionet, të sjellim një koncept të ri në arsim, të përmirësojmë shëndetësinë, spitale të reja, qendrën e re klinike, rrugë të reja, autostrada, kjo është puna jonë”, tha Gashi.

Ai si kryetar i Kuvendit e konsideron të shkëlqyer komunikimin me kryeministrin Hristijan Mickosi dhe kryetaren Gordana Siljanovska Davkova. Për koalicionin qeverisës ai thotë se është stabil, por që pasi dha dorëheqjen nga posti presidencial në Alternativë, pjesë e koalicionit VLEN, dhe mori postin e personit të parë të Legjislativit, ashtu si gjithë qytetarët është informuar nga bashkëpartiakë.

“Marrëdhëniet janë korrekte, kanë marrëdhënie të mira në koalicion nga sa shoh dhe mendoj se edhe pse aktorë të tjerë politikë apo ndonjëherë publiku apo gazetarët përpiqen ta portretizojnë ndryshe, mendoj se numri i deputetëve, shumica prej 78 deputetësh në vetvete thotë se shumica është e qëndrueshme. Mendoj se është shumë e rëndësishme t’u japim qytetarëve një siguri juridike dhe politike që nuk e kishim më parë. Qytetarët presin që ne të përmirësojmë kushtet e tyre të jetesës, standardin e jetesës, ekonominë dhe kjo bëhet vetëm në një situatë stabile dhe të siguritë politike. Mendoj se kjo qeveri dhe ky koalicion e shprehin me veprimet e tyre dhe mendoj se me kalimin e kohës qytetarët do të shohin se jemi të përkushtuar në zbatimin e programit tonë dhe synimi kryesor është përmirësimi i standardit të jetesës dhe jetës së qytetarëve, të gjithë qytetarëve”, thekson Gashi në intervistën për MIA-n.