“Free Palestine” në Maratonën e Shkodrës: Vrapuesit shqiptarë bëhen zëri i Gazës
Rreth 10 qytetarë me bluza që mbanin mbishkrimin “Free Palestine” morën pjesë në maratonën e parë të vrapimit në Shkodër, të dielën, më 14 shtator.
Njëri prej pjesëmarrësve, Erind Tomori nga Tirana, tha për TRT Balkan se qëllimi i tyre ishte të përcillnin mesazhin se fëmijët në Gaza duhet të vrapojnë për lojë dhe shëndet, jo për t’u shpëtuar plumbave dhe bombave.
Para kësaj gare, i njëjti grup dhe të tjerë ka marrë pjesë në garë në Pogradec, në korrik të këtij viti.
Ata njoftojnë se do të jenë të pranishëm edhe në Maratonën e Tiranës më 19 tetor, me një pjesëmarrje edhe më të madhe.
