Flotilja vazhdon drejt Gazës pavarësisht dëmtimit të anijes kryesuese
Flotilja Global Resilience ka njoftuar se, pavarësisht një defekti mekanik që preku njërën nga anijet kryesuese, aktivistët për Gazën do ta vazhdojnë misionin e tyre.
Anëtarët e ekuipazhit të anijes së dëmtuar Family Boat do t’u ndihmojnë mjeteve të tjera me përvojën e tyre në lundrim, komunikim dhe koordinim diplomatik, thuhet në një deklaratë. Komiteti drejtues i flotiljes do të mbetet në bord të Alma për të siguruar komandën në terren.
Organizatorët theksuan se morali i aktivistëve është i lartë dhe se të gjithë janë të sigurt e gati për të lundruar. Ata vunë në dukje se kushtet atmosferike janë të favorshme.
Flotilja përfshin mjekë, artistë, udhëheqës fetarë, ligjvënës dhe humanitarë, të cilët synojnë të thyejnë bllokadën ndëshkuese izraelite ndaj Gazës dhe të shpërndajnë ndihmë humanitare jetike.
