Fisnik Mela: Asfalti i Komunës Dibër me afat skadence 24 orë

Kandidati për kryetar të komunës Dibër nga radhët e koalicionit VLEN, Fisnik Mela, ka reaguar pas shtrimit të një rruge me asfalt në qytetin e Dibrës.

Nga fotot, shikohet se asfalti është një shtresë e hollë e cila nuk plotëson asnjë standard normal, ku si rezultat është prishur shumë shpejt.

24 orë, shkruan Fisnik Mela. Aq kishte afat skadence asfalti i shtruar në prag të zgjedhjeve lokale nga Komuna Dibër.
Kjo flet për një keqpërdorim të dukshëm të buxhetit komunal, duke mos respektuar asnjë normë dhe rregull në realizimin e projekteve infrastrukturore.