Fetai: Konfiskimi i 40 tonëve kanabis, një nga goditjet më të mëdha ndaj krimit

Zv/kryeministri Arben Fetai, ka thënë konfiskimi i rreth 40 tonëve kanabis është një ndër sekuestrimet më të mëdha që janë bërë deri tani.
“Aksioni i Policisë dhe Prokurorisë me konfiskimin e rreth 40 tonëve kanabis është një goditje serioze.
Kjo është ndër sekuestrimet më të mëdha që kemi parë deri më tani. Një sinjal i qartë se kjo Qeveri ka vendosur të prekë rrënjët e krimit, jo vetëm majat e tij. Sepse kur flasim për dhjetëra tonë drogë, nuk flasim për raste të izoluara, por për rrjete të tëra, të ngritura me vite.
E përshëndes këtë aksion. Është mesazh se koha e paprekshmërisë po mbyllet dhe se shteti po vepron me vendosmëri.
Shteti e ka për detyrë të mbrojë shëndetin, sigurinë dhe të ardhmen e njerëzve. Kushdo që është pasuruar duke shkatërruar jetë duhet të dalë përballë drejtësisë dhe ky proces, siç kemi thënë për shumë çështje, duhet të shkojë deri në fund”, ka shkruar Fetai.