Është parandaluar kontrabanda e 24 emigrantëve nga Egjipti dhe Siria, arrestohen dy persona!
Nga Ministria e Punëve të Brendshme njoftojnë se gjatë ditës së djeshme janë parandaluar dy tentativa për kontrabandë të emigrantëve në afërsi të fshatrave Bogorodicë dhe Stojakovë, përcjell TV21. Janë arrestuar dy persona, të dyshuar për organizim të transportit për 24 emigrantë. Në të dy rastet janë kapur 22 emigrantë nga Egjipti dhe dy nga Siria.
“Emigrantët janë dërguar në Qendrën Pranuese Tranzitore “Vinojug” në Gjevgjeli dhe me ta është zhvilluar bisedë zyrtare, gjatë së cilës kanë deklaruar se grupi drejtohej nga A.A. (26), me ndihmën e I.K. (22), të dy nga Siria. Rreth orës 20:00, të dy të dyshuarit janë privuar nga liria”, shtojnë nga MPB.
