Erdogan i bën thirrje SHBA-së të tërheqë vendimin që u pamundëson udhëheqësve palestinezë pjesëmarrjen në samitin e OKB-së

Presidenti turk Recep Tayyip Erdogan i ka bërë thirrje Uashingtonit që të rishikojë urgjentisht vendimin për t’u mohuar vizat zyrtarëve palestinezë – përfshirë Presidentin Mahmoud Abbas – gjë që u pengon atyre pjesëmarrjen në Asamblenë e Përgjithshme të OKB-së këtë muaj, ku një numër vendesh kanë thënë se do ta njohin shtetin palestinez.

Ky veprim “nuk përputhet me arsyen e ekzistencës së Kombeve të Bashkuara”, u tha Erdogan gazetarëve gjatë një fluturimi nga Kina, sipas një përmbledhjeje nga zyra e tij, raportoi agjencia e lajmeve Reuters.

“Ky vendim duhet të rishikohet urgjentisht. Asambleja e Përgjithshme e Kombeve të Bashkuara ekziston që çështjet e botës të diskutohen dhe të gjenden zgjidhje,” tha ai. “Mungesa e delegacionit palestinez në Asamblenë e Përgjithshme do të kënaqte vetëm Izraelin.”

Ai shtoi: “Ajo që pritet nga Shtetet e Bashkuara është t’i thonë ‘ndal’ masakrave të Izraelit.”