Dorëzohet edhe YPG/PKK, e pranon autoritetin e Ushtrisë së Sirisë

Është nënshkruar një marrëveshje për integrimin e Forcave Demokratike Siriane në institucionet e Republikës Arabe të Sirisë, duke riafirmuar unitetin territorial të Sirisë dhe duke refuzuar ndarjen.

Mundësia e një rajoni autonom është eliminuar.

Ndërkaq Presidenca Siriane njoftoi se marrëveshja parashikon integrimin e të gjitha institucioneve civile dhe ushtarake në verilindje të Sirisë në administratën shtetërore, duke përfshirë vendkalimet kufitare, aeroportet dhe fushat e naftës dhe gazit.

Marrëveshja me Forcat Demokratike Siriane siguron të drejtat e të gjithë sirianëve për përfaqësim dhe pjesëmarrje në procesin politik dhe në të gjitha institucionet shtetërore.