Detajet e marrëveshjes mes Presidencës siriane dhe grupeve YPG/PKK

Këto janë detajet e Marrëveshjes Siri-SDF:

1. Sigurimi i të drejtave të të gjithë sirianëve për përfaqësim dhe pjesëmarrje politike bazuar në meritë, pavarësisht prejardhjes fetare apo etnike.

2. Njohja e komunitetit kurd si pjesë e pandashme e Sirisë dhe garantimi i të drejtave të tij kushtetuese.

3. Armëpushim në të gjitha territoret siriane.

4. Integrimi i të gjitha institucioneve civile dhe ushtarake në verilindje të Sirisë nën administratën shtetërore, duke përfshirë vendkalimet kufitare, aeroportet dhe fushat e naftës dhe gazit.

5. Sigurimi i kthimit të të gjithë sirianëve të zhvendosur në vendlindjet e tyre me mbrojtje shtetërore.

6. Mbështetja e Sirisë në luftën kundër mbetjeve të Assadit dhe të gjitha kërcënimeve ndaj sigurisë dhe unitetit të saj.

7. Refuzimi i thirrjeve për ndarje, gjuhës së urrejtjes dhe përpjekjeve për të nxitur përçarje.

8. Komitetet e zbatimit do të punojnë për të vënë në jetë marrëveshjen deri në fund të vitit.