Dështon rezoluta për krerët e UÇK-së, deputetët maqedonas bojkotuan mbledhjen!
Në Komisionin për politikë të jashtme në Kuvend dështoi miratimi i propozim rezolutës për respektimin e standardeve të procedurave penale kundër ish krerëve të UÇK-së, shkruan Alsat.
Deputetët maqedonas bojkotuan mbledhjen e komisionit duke pamundësuar miratimin e Rezolutës.
Të pranishëm ishin vetëm deputetët e Frontit Evropian, VLEN-it, ASH-së dhe deputeti Rexhep Ismail nga e Majta. Sipas deputetëve shqiptarë, mos prezenca e deputetëve maqedonas është e qëllimshme. Debati është prolonguar në një kohë të pacaktuar.
