DËSHMI: Dokumentet zyrtare sfidojnë Taravarin: Sabotim i përsëritur i punësimeve në Spitalin e Tetovës
Ish-ministri i Shëndetësisë, Arben Taravari e ka komentuar protestën e motrave medicinale në Spitalin e Tetovës për rrogat e prapambetura dhe statusin e parregulluar të punës, ku ka akuzuar VLEN-in si pengesa kryesore që ka refuzuar punësimin e tyre për shkaqe politike.
“Një rast i dhimbshëm është ai i motrave medicinale të Spitalit të Tetovës, të cilat janë pa vendim dhe pa rrogë. I kërkoja me insistim punësimet e tyre por VLEN e kundërshtonte, sepse ata donin punësime partiake!!!”, është shprehur Taravari.
Por në realitet, e vërteta duket të jetë e ndryshe. Pak më parë është publikuar dokumenti origjinal që drejtori i Spitalit të Tetovës dhe drejtori i Bordit i’a kanë adresuar ish-ministrit Taravari disa herë dhe në fakt, çdo herë është sabotuar.
