Demiri: Mund të bëhen ndryshime ligjore për të dënuar anti-vaksinuesit

Ministri i Shëndetësisë Ilir Demiri u zotua sot publikisht se do të marrë masa për të përcaktuar se si është themeluar Shoqata e Antivakserëve dhe sipas cilit parim ligjor funksionon. Çdo deklaratë në media, tha ai, duhet të ndiqet dhe të shihet saktësisht se kush qëndron pas fushatave antivaksinim

Siç bëri të ditur ai, nëse do të jetë e nevojshme do të bëhen edhe ndryshime ligjore për ndëshkimin e personave që inkurajojnë fushatat kundër vaksinimit.

“Nuk e di çfarë mundësie është që t’i sulmojmë ligjërisht, por nëse do të jetë nevoja do të ndikojmë në ndryshimin apo shtimin e normave ligjore që do të ndëshkojnë të gjithë personat që nxisin një lloj fushate kundër vaksinimit”, tha Demiri. duke iu përgjigjur pyetjeve të gazetarëve pas nënshkrimit të Deklaratës për promovimin dhe mbështetjen e vaksinimit në Odën e Mjekëve.

Ai dhe përfaqësuesit e tri dhomave mjekësore, të Mjekësisë, Farmaceutikës dhe Stomatologjisë, edhe një herë tha se vaksinat janë të sigurta dhe janë një nga përfitimet më të mëdha për njerëzimin.

Gjithashtu u vlerësua se rrjetet sociale janë një “zonë gri” në të cilën shpërndahen në mënyrë të pakontrolluar dezinformatat kundër vaksinave dhe vaksinimit.

-Facebook është një “zonë gri” për postimet që nuk mund të kontrollohen. Është një problem serioz në nivel të të gjitha vendeve të Evropës. Por çdo raport është diçka që duhet t’ua përcjellim autoriteteve tona dhe në sistemin e kontrollit të Dhomës së Mjekësisë. Është gjëja e parë që doli para 13 vitesh me një shkrim të rrejshëm se shkaktojnë autizëm, theksoi kryetarja e Odës së Mjekësisë, Kalina Grivçeva-Stardellova.

Sipas saj, të gjithë pacientët e informuar jo mjaftueshëm janë përgjegjësi e mjekëve.

– Ne jemi ata që duhet t’i informojmë prindërit se vaksinat janë të sigurta, nënvizoi Grivçeva-Stardelova.